O Magnolio de Xuvia

En Galicia temos moitas árbores centenarias, árbores que nos acompañaron durante varios séculos da nosa historia, testemuñas dos nosos cambios. En Viveiro é moi visitado o gran eucalipto apodado O Avó, na Estrada atopamos a árbore máis vella de Galicia, unha sobreira datada en tempos dos Reis Católicos.
No concello de Narón, aquí preto do noso centro, na desembocadura do río Xuvia, atopamos un exemplar incluído no Catálogo de Árbores Senlleiras de Galicia: un Magnolio Común.
A esta árbore calcúlanselle uns 300 anos, o único exemplar desa idade que se conserva en Galicia.
Probablemente o tivera plantado algún mariñeiro local ou algún emigrante que o puido traer como algo exótico, xa que é orixinario de América do Norte.
As follas e flores desta árbore presentan propiedades curativas, xa que na Idade Media usábanse en infusión para aliviar as molestias dixestivas e para curar a gota.
O pasado ano saltou a alarma sobre o estado desta árbore, porque perdeu follas e as que tiña amareleaban, probablemente tivera algo que ver nesta situación as obras de saneamento que se viñan desenvolvendo no paseo.
Desde hai uns anos incluímos as visitas a esta árbore centenaria dentro das actividades do centro, coa finalidade de que os nosos rapaces coñezan e aprecien o seu valor.

3º ESO

Exposición Plantas Aromáticas

Nos primeiros días de curso e a modo de presentación, expuxemos na entrada do centro algunhas plantas aromáticas ben coñecidas como a lavanda, a menta, a melisa, a alfádega... Este foi o punto de partida das numerosas actividades que desenvolveremos este ano dentro do programa Voz Natura.

O ataque da velutina.

Preséntovos un vídeo no que se nos amosa como a avespa asiática ou velutina ataca as cosas colmenas, sendo unha seria amenaza para a supervivencia das abellas, con todo o que iso conleva para o bo desenvolvimiento do ciclo natural. O autor deste vídeo é César Galdo, un xornalista, realizador e fotógrafo do veciño concello de San Saturnino.

Herbas de aquí e de acolá

Durante este curso 2016-2017 participaremos no programa Voz Natura cun proxecto que leva por título "Herbas de aquí e de acolá" sobre plantas aromáticas. Son varias as actividades que temos programadas, ás que se engadirán todas aquelas que teñan como finalidade o coidado e o respeto ao medio ambiente. Comeza aquí unha nova aventura na que participarán alumnos e alumnas de diferentes niveis, e tamén o profesorado do centro incidindo así no carácter interdisciplinar do proyecto.

Charla Prevención de Incendios

O xoves 5 de maio visitounos o Seprona. Todos os alumnos e alumnas do centro asistiron a charlas, acomodadas ás súas idades, sobre a prevención de incendios. Insistiuse na idea de conservar e respectar a nosa flora e a nosa fauna. Coñecimos tamén o importante traballo que vén desenvolvendo o Seprona na nosa comunidade, as súas funcións e a seu intenso labor para  manter coidado o medio ambiente. Os rapaces e rapazas tiveron tamén ocasión de ver os vehículos que utiliza o corpo no seu día a día. Resultou unha xornada moi interesante na que todos se amosaron moi participativos e interesados.

Probando os vehículos do Seprona

Plantación de castiñeiros.

O pasado venres 11 de marzo realizamos unha plantación de castiñeiros noso patio. Foi unha mañá na que a temperatura e o sol nos acompañaron. Foi o noso particular Día da Árbore, todos os rapaces,  rapazas e profesores do cole colaboraron tanto na plantación como na lectura dun manifesto e dun poema de Manuel María titulado "A natureza". Esta é unha das actividades programadas dentro do proxecto "A raíz de todo" de Voz Natura.

Educación Infantil e Primaria

Todos axudan

Alumnas de 5º EP

Alumnos de 4º ESO plantando os castiñeiros.

O noso carballo.

Carballo no patio do colexio Jorge Juan-Xuvia

Esta semana comezaremos a presentación e o coñecemento das diferentes especies de árbores que temos no noso patio. Contamos cun exemplar de carballo, Quercus robur, que será o primeiro en ser estudado: traballaremos as súas características, todas as especies que nel habitan, os seus usos medicinais, os perigos que o ameazan... todo para coñecer un pouco máis esta especie autóctona que habita dende hai tanto tempo nas nosas fragas.

As árbores do noso patio.

Seguindo coas actividades do noso proxecto "A raíz de todo" - Voz Natura, os rapaces e rapazas de 5º EP encargáronse da catalogación das árbores do noso patio. A ficha que cubriron foi deseñada por Andrea Seoane, alumna de 4º ESO.

Proximamente iremos presentando  as diferentes especies catalogadas  a través de fotografías acompañadas da súa correspondente ficha.

Neste 2º trimestre unha das actividades que realizaremos será a prantación de castiñeiros, ampliando así con esta especie o noso pequeno bosque.

Muíño de Pedroso

O pasado trimestre todo o alumnado da ESO fixo unha visita moi productiva ao Muíño de Pedroso. Alí traballaron novamente no recoñecemento das árbores autóctonas, sobre todo daquelas que medran á beira dos nosos ríos. Aprendéronlles a potabilizar auga e a contruír unha cabana no monte con pólas e materiais que atopasen. Foi unha xornada de mañá e tarde na que, ademais de poder observar a propia natureza, conviviron nun xantar e asistiron e participaron nunha representación na que se traballaba a interculturalidade.

Río Xuvia

Baixo os castiñeiros